Conversación entre vedinas.
– Buenus días, María!
– Buenus dias mos den, Juana!, no sé si ha viu fuegu j´ esta mañana, porque escuchau sirenas y no sé si era l´ ambolancia o los bomberus. El casu es que alogu he vistu un socópteru bolanhu y era de los r etenis, asin que segura c´abiu fuegu.
– Pos no sé, no he barruntau na. Estaba fregandu la loda y con el ruiu del agua no m´enterau de na, ni oigu nunca los pregonis tampocu.
– Yo no sé si a ti te pasa, María, peru a mí me se resecan las manus muchu cuandu friegu la loda. Aungui a mí m´han dichu gu´es del fraili y no del agua. Voy a cambial de fregaplatus y voy a utilidal el jabón caseru que idin qu´es de lo mejol.
– ¡Pos no!, a mí no me se secan las manus, peru me salin cemas que son pupinas, no lo ves? ..
– iAy! ¡ay!, y no te las curas?, comu no te ponis algu d´esparatrapu?.
– Ya lo he utilidau, peru cuandu friegu con el escuchifriti, esi gue tieni esponja por un lau y verdi por otru, pues me se cai.
– ¡Pos estás apañá!. En fin, si no es una cosa es otra. Mañana juevi, tengu que il al meicu a jadelmi el citrón. Esu si que no se pue dejal, ¿y tú, María, cómu andas del azucal y del colesterol?.
– Pos mira ahora bastanti bien, aunque no pueu comel muchas cosas. No pruebu los dulcis, ni la carni de cochinu, ni siquiera una. roncha de mortaleda... ¡ni un danón!. Miralu pol otru lau, asina gastas menus y eculinizas más.
– ¡No, si esu sí!. Porgue dende qu´empedamu con el Ebru y el r eondeu, to ha subíu... porque, ¡amu!, me digas!, la fatura del teléfanu ~lo c´ha subiu. Esu pol no hablal de las cosas de comel.Amu, que jata unas almóndigas de lata y una cocretas valin ya más de dos Ebrus!.
– Ahora que lo idis, m´han dichu qu´en el supermercau de tiu Pedro está el tanbol del polvu de labaora, el “vis pres” mu baratu.
– Po será lo únicu. Y digu yo, ahora que me acordau: ¿no has oíu lo de la nieta de tiu Masiminianu ..
– No María, naita siquiera.
– Pos idin, que yo no sé si es verdá to lo que idin, que po lo vistu venía d´hablal de la gabina del teléfanu y no sabi comu, un cochi la ha pillau marcha atrá y la ha dau en la pierna.
– ¡No me digas!. Es que la jenti, con los cochis, ya los paici a ellus que puen correl lo que quieran y que mos tenemu qu´apartal siempri. Peru... s´ jechu muchu.
– Po se la llevarun a l´ambolatoriu y estuvu dos días ingresá con las ondas puestas y a fasi de calmantis. A parti, s´a jechu una fatura en el tobillu o algu asín, le tieni bendau. – iSerá un linci!. Porque esus salin a la mínima y no se escayolan, solu se bendan.
– Pos esu será. ¡En fin!, voy a vel si acabu de jadel lo que me quea y llamu al carpinteru pa que m´arregli el capiporti de la puerta, qu´está eschangau.
– Buenu, María, pos yo me boy a vel empezal el pograma esi del “Coradón” que me gusta muchu y s´entera una de to...- de lo que jadi la princesa y el Undangarín, de lo de Josulín, de lo de la Pantoja que s´a empatronau en Marbella,... jque te paja ti! ; en fin, i de to!
– Fíjati, Juana, a mí no me paici que me llami tantu l´atención esu. El mi hombri siempri está igual, que na má vemus guarrerías po la teli, y siempri me idi: “Es que seis la lechi, ¡paici que ol dan de comel esas tonterias!”.
– Pui tú no le idis ¡...y bojotru, na ma que la joia pelota y el jurgul! . iA mí es que me descomponi viva!.
– En fin, ya sabis que sobre gustus no hay na escritu. – Voy a arrimal la comía que se jadi tardi, que esti muchachu míu me tieni frita jno me comi na!, ~me se va a queal en el tasi!, isequinu!.
– Pos no te preocupis, que ya comerá. i Venga, jata la tardi, María!.
– Jata la tardi, Juana.